Թանգարանների միջազգային օրվա ընթացքում աշխարհի թանգարանները գտնվում են ուշադրության կենտրոնում: Սա եզակի առիթ է`բարձրաձայնելու ոլորտի համար առավելագույն նշանակություն ունեցող հարցերը: 2021 թվականին թանգարանի միջազգային օրվա համար Թանգարանների միջազգային խորհուրդը՝ ԻԿՕՄ-ը, սահմանել է հետևյալ նպատակները.

• Պաշտպանել թանգարանները՝ որպես վերականգնման հիմնական շարժիչ ուժ։
• Վերանայել թանգարանների ապագան և նրանց դերը մեր հասարակություններում։
• Նպաստել մշակութային փոխանակմանը՝ որպես խթան ժողովուրդների միջև խաղաղության համար։
• Իրագործել ՄԱԿ-ի Կայուն զարգացումը։

 2021թ․ Թանգարանի միջազգային օրվա այս նպատակների ներքո մենք ուշադրության կենտրոնում ենք պահում պատերազմի ընթացքում Ադրբեջանի կողմից օկուպացված Արցախի 12 թանգարաններն ու 20.000 թանգարանային առարկաները:

ԿՈՎԻԴ-19 համաճարակով պայմանավորված մարդիկ աշխարհում ամենուր ենթարկվում են առողջական և հոգեբանական բարդ ազդեցությունների: Արցախի ժողովուրդը դրա հետ մեկտեղ կրում է նաև պատերազմի դառը հետևանքները:

• Ինչպե՞ս են իրենց կորցրած թանգարանները աջակցելու մարդկանց վերականգնմանը՝ օկուպացված կինելով:
• Ինչպե՞ս նրանք կօգնեն այս հավաքածուների իրական տերերին վերանայել ապագան:
• Փատորեն այստեղի թանգարանները չեն կարողանում խթան հանդիսանալ տարածաշրջանում խաղաղության հաստատման համար:

Այդուհանդերձ թանգարանային հավաքածուների վերադարձը Արցախի ժողովրդին կնպաստի մշակութային փոխանակմանը և կարևոր դեր կխաղա տարածաշրջանում խաղաղություն հաստատելու գործում:

Թանգարանի միջազգային համայնքների կողմից առաջ քաշված բարձր արժեքներին սատարելու փոխարեն, Ադրբեջանը կառուցում է ավարների պուրակ՝ խրախուսելով սեփական ժողովրդի շրջանում անմարդկային վերաբերմունքը, բռնությունը, ատելությունը և խոշտանգումները: Ամեն օր մենք ականատես ենք լինում, թե ինչպես է Ադրբեջանը կեղծում, ոչնչացնում և վերացնում հայկական մշակութային ժառանգությունը՝ ինչպես շարժական, այնպես էլ՝ ոչ շարժական:

Բոլորիս համար այս կարևոր օրը մենք կոչ ենք անում միջազգային թանգարանային համայնքին ձեր ձայնը բարձրացնել մշակութային ժառանգության պաշտպանության համար`անկախ դրա ծագումից, պատկանելությունից և գտնվելու վայրից, ինչպես նաև բռնագրավված թանգարանների հավաքածուները նրանց տերերին՝ Արցախի ժողովրդին, վերադարձնելուն համար:

Մենք ապրում ենք աննախադեպ լարվածության, ցավի և կորստի ժամանակներ աշխարհի տարբեր մասերում և մեր կարեկցանք ենք հայտնում տառապող մարդկանց և մշակութային ժառանգությանը:

Նույնիսկ այս ծանր ժամանակներում, այսօր Հայաստանի և Արցախի թանգարանների մեծ մասը տարբեր միջոցառումներ են առաջարկում իրենց համայնքներին այս տարվա  ԹՄՕ թեմայի շրջանակներում՝ «Թանգարանների ապագան. Վերականգնել և վերաիմաստավորել»: Թանգարանները կարևոր գործիքներ են ինչպես անցյալի և ներկայի հիշողությունը պաշտպանելու և փոխանցելու, այնպես էլ իրենց համայնքների վերականգնման և միասին խաղաղ ապագա կերտելու համար:

Թանգարանների միջազգային օրվա առթիվ բոլորին մաղթում ենք խաղաղություն, անվտանգություն, առողջություն և երջանկություն:

ԱՆի Ավագյան

ԻԿՕՄ-ի Հայկական թանգարանների ազգային կոմիտեի նախագահ

Հայերեն պաստառը այստեղ՝ Armenian։

MEMO on Artsakh Armenian CultHeritage and its destruction by AZ